نهى:والله اتخانقنا يومها خناقه تافهه كده وحرم عليا الخروج وجت خطوبتك فى السكه المهم دلوقتى انا بوعدك دلوقتى قدام بنتى اهوه اننا
مش هنفترق تانى انا اتبسطت اووى انى شوفتك النهارده بقولك ايه ادينى نمره سميه اتصل بيها ونمرتك انتى كمان

ردت سلوى مازحه: ماشى يا ستى وابقى اطلعى عيله قصاد بنتك بقى
مى: لا والله ماما طيبه اووى يا طنط مــ,,ـاتزعليش منها
سلوى: انتى هترسينى على مامتك يا بنت دى نهى دى عشره عمرى ده البيت كان فى وش البيت وكنا نروح كل حته مع بعض الله يسامحك يا بنت رؤوف فكرتينى بالعمر اللى فات

قاطعهم رنين جوال نهى المتواصل
نهى: ده رؤوف
سلوى: ردى ردى احسن يزعل منك
نهى: الو ايوه يا رؤوف
رؤوف: ايوه يا نهى انتى فين وفين مى وفين احمد
نهى: مى معايا احمد لما نزلت كان نايم ماعرفش هوه فين

رؤوف : والله عال اصحى انا الاقى البيت فاضى طيب مش كان يصح يا مدام انك تصحينى وتبلغينى حتى انك نازله
نهى: يا رؤوف ما انت كنت نايم وحاولت اصحيك ماصحيتش اخدت مى ونزلنا نتمشى خلاص مــ,,ـاتزعلش نص ساعه ونكون فى البيت
رؤوف : اما نشوف

انهى رؤوف المحــ,,ـادثه غاضبا من تصرف زوجته التى اصبحت لا تعيره اهتماما وجل اهتمامها بالاولاد
سلوى: ايه يا نهى مالك شكلك زعلان
نهى: اصل رؤوف ادايق اننا نزلنا منغير مانديله خبر
مى: طيب ماهو اللى بينام لوش الضهر نقعد بقى فى البيت نتـ,ـحبس

نهى: بنت اتكلمى عن ابوكى احسن من كده
مى: وانا غلطت فى ايه يا ماما بس
سلوى: طيب طيب قوموا انا هوصلكو
نهى: انتى معاكى عربيه
سلوى: طبعا امال ايه يالا بينا ساكنه فى رشدى يا نهى باين صح
نهى: لاء فى زيزينيا
سلوى: ايوه صح صح

اوصلتهم سلوى الى المنزل وتبادلت الصديقتين ارقام الهاتف مع وعد باللقاء مره اخرى
صعدت نهى الى شقتها وما انا فتحت الباب حتى اتجهت على الفور الى غرفه النوم وجدت زوجها رؤوف يتأنق امام المرآه وما ان رآئها حتى قال: حمد لله على السلامه
نهى: الله يسلمك انت نازل ولا ايه

رؤوف: ايوه عندى ميعاد
نهى: النهارده الجمعه ميعاد ايه؟وبعدين لما انت نازل كنت عايز. نا نرجع ليه
رؤوف : وانتو كنتو فين ان شاء الله وازاى تنزلى منغير مــ,,ـاتاخدى اذنى اصلا
شعرت نهى بالحنق الزائد من تصرف رؤوف الانانى فقد حرمهم من اكمال نزهتها مع ابنتها وفضلا عن ذلك فهو لن يمكث فى البيت ويقضى بعضا من الوقت مع اسرته

نهى: اذنك!!!!!! هوه انت اصلا بتبقى موجود انا كنت زمان باخد اذنك لكن بقالى فتره كل اما كلمك اما فى الشغل الاقيك مشغول ولما اتصل بيك على الموبايل تكنسل عليا المطلوب منى ايه ااقعد زيي زى الكرسي لحاد ما حضرتك تفضالى عشان اخد الاذن