.انا كا استاهلش كل ده…ده من زوق حضرتك….ببس معلش فيه نقطة اخيرة محتاج اوضحها علشان بعد الاستخارة بتاعتي وبتاعة الانسة هناء لو يعني حصل قبول ونصيب..

وـ,,ــــفاء والدة هناء: خير يا شيخ اتفضل قول…
حذيفة : اكيد انتم عارفين ..وكمان .الحاجة كلمتكم عن چوري .چويرية ..
وـ,,ــــفاء بضيق: ااااه…مش البنت اليتيمة اللي انتم بتربوها…
حذيفة اتعصب من طريقتها و حس انها تقصد بيها اهانة لچوري..

حذيفة: چوري ايوة يتيمة..وده حكم وقضاء ربنا بيكتبه علي اي حد بيختاره…بس هي بالنسبة لينا مش مجرد بنت بنربيها وخلاص…دي حتة مننا وصاحبة بيت..يعني مش ضيفة ولا حمل ولايمكن تمشي منه ولا تفارقنا…ده اهم شرط عندي…كمان اتمني من الانسة هناء.

لو حصل نصيب بينا…تعاملها بحنان وبما يرضي الله. لاني مستحيل اتقبل حد يأذيها او يجـ,ـرحها بكلمة حتي..

هناء بصت لوـ,,ــــفاء والدتها ولوت شفايفها بضيق وزهق…وغمزتها بتوعد والصبر ..عامر : طبعاا يا ابني ما فيش مشكلة..ربنا يقدرك علي تربيتها…و يفرحك بيها وانت بتسلمها لعريسها…
حذيفة عقد حاجبه بعصبية وبينه وبين نفسه : لا اله الا الله .

ربنا ما يسمع منك…قال اسلمها بإيدي لعريسها قال …هو انا ملاحق علي اللي انا فيه ….لما كمان تتجوز .وانا اتجنن….

الحاج بلال : طيب ان شاء الله خير…تحبوا تيجوا تتفرجوا علي الشقة امتي…
وـ,,ــــفاء بإندفاع: اي وقت يا حاج…الوقت اللي يعجبكم ..يارب حتي من بكرة .
حذيفة اتحرج من والده وهو بتردد: ايوة يا حاج بس…بس احنا لسة هنستخير وبعد كدة ربنا يعمل اللي فيه الخير….

فريدة بحرج من حذيفة ورده: احممم..ووماله مايجراش حاجة…هما يشرفونا من غير حاجة. …ان شاء الله احنا بكرة هنستناكم نتغدا سوا كلنا والعروسة تتفرج علي الشقة وكل اللي تطلبه هيتغير ويتعمل اللي تقول عليه.. وان شاء الله خير..انا قلبي بيقولي هما الاتنين هيتستخيروا ويرتاحوا لبعض…

هناء بتبص لحذيفة بإعجاب…ومبسوطة انه اتقدملها…كتير من معارف والدته وجيرانها ..بيتمنوا ان حذيفة يخطب واحدة من بناتهم…وهي جواها انتصار انها هتفوز بيه.
حذيفة بيبص في ساعته ومتوتر ووشوش والدته: امي كفاية كدة…نا تنسيش ان چوري في البيت لوحدها…

فريدة بهمس: يووووه عليك…انت من ساعة ما دخلنا وانت بتفرك وعايز تمشي…يا ابني بص في وش البنت لله…ختي تقعد كلمها كلمتين جبران خاطر…
حذيفة بضيق: امي هتقومي. ولا اقوم انا واقومكم معايا…انا بجد متعصب .

.فريدة بحرج انهم ياخدوا بالهم ولا يسمعوهم ..ابتسمت :خلاص. خلاص
هنقوم اهو …وقامت معاه وقومت الحاج بلال..ههههه. معلش بقي يا جماعة نستاذن احنا وان شاء الله منتظرنكم بكرة بأمر الله.

وـ,,ــــفاء ح. ضنت فريدة بسعادة : حبيبتي.
نورتينا والله …والشيخ حذيفة. مكسب لينا والله.
فريدة: ربنا يخليكي ويارب نفرح بيهم عن قريب…
حذيفة اخد امه وابوه وخرج في ثبات من غير ما يبص لهناء…وهي كانت متغاظة ..وبعد ما خرجوا….