نعمه بصت لها من فوق لتحت واتغاظت من لبسها جدا وقالت..انا نعمه بت عم زين الرجال زين القاضي
احلام كانت عايزه تضحك وقالت..زين الرجال...اه...طب تشرفنا
نعمه قالت انا جايه اقولك ان ابوكي وهو مروح خبطتو العربيه بره ودخلوه المندره

احلام اتصدمت وقالت بخضه..ايه ياخبر ولسه هتدخل الاوضه تلبس حاجه نعمه مسكت ايدها وقالت بسرعه..انتي رايحه فين
احلام قالت بخوف وبكا..هجيب عبايتي وطرحتي
بس نعمه قالت ..بقولك ابوكي بيمـ,ـوت تحت وعايز يشوفك ده وقت عبايات متخافيش الدار فاضي مفيش رجاله واصل يلا بسرعه مفيش وقت

احلام طلعت معاها بدون تردد وجريت على تحت ونعمه اول ما نزلو قالت المندره اهيه الي هناك دي على انا هروح اجبلهم ساش وقطن لانو بينز،ف جامد
احلام صرخت وجريت على المندره وهيه لابسه البجامه الخفيفه وبشعرها ودخلت المندره جري وقالت وهيه بتنهج هو فين بابا فين

بس اتصدمت بشده لما لقت زين قاعد هو وابوه ومعاه مجموعه من صحابه الشباب واولاد عمو الي اتسعت عنيهم بزهول وبقم يبصولها بصدمه واعجاب شديد
زين وقف والغضب في عيونه يحرق البلاد كلها والتفت لصحابو بحده الي كانو مثبتين نظرهم عليها

صحابو اول ما بصلهم نزلو عنيهم في الارض وهو اخد عبايه ابوه ولبسهالها وقال وهو بيضغط على اسنانو بغضب شديد ..استنيني...فوق
احلام خافت جدا منو وبلعت ريقها بارتباك ومشيت بخوف شديد

زين بص لصحابو وقال...كل واحد على داره
ومشي على اوضتو بغضب شديد وكلمة غضب قليله جدا كانت عيونه بتطلع لهب وعروق اديه بارزه من كتر ما قابض عليهم وهيتجنن حرفيا

اول ما دخل الاوصه لقاها قاعده على السرير وبتفرك في اديها بخوف
زين رزع الباب قفلو بطريقه خلتها تنتفض من مكانها وقرب عليها وقال بغضب مكبوت ...ايه الي عملتيه ده
بلعت ريقها بخوف وقالت...احم...انا...انا مكنتش اعرف ..مكنتش اعرف ان فيه حد معاك

زين هز راسو بطريقه مخيفه وفي ثواني مسكها من شعرها بكل قوتو وقال...وانتي تنزلي ازاي كده..حتى لو مش معايا حد.. شكل محايلتي ليكي خلتك تركبي واتلدلي رجليكي وصلت بيكي الجرئه تنزلي كده قدام الرجاله وزقها بقوه على الارض

احلام بقت تبكي وترجع لورا بخوف منو وزين شدها من دراعها قومها ومسكها من رقبتها بقوه وقال...نازله تفرجي الناس عليكي ..عايزه تكسريني اكتر من كده يا بت الرفضي وها قلم قوي وقعها على الارض تاني وشفايفها انجرحت

احلام داخت جدا من الي حصل ومن و ليها زحفت لحد رجلو ومسكت فيها وقالت بدموع وضعف وصوتها بالعافيه طالع..ارجوك..ارجوك اني..مـ,ـوتني بس..بس ده ابويا .خليني اشوفو..وديتوه فين..وانبي ابويا فين
زين استغرب كلامها ودفعها برجلو وقال بغضب..ابوكي ايه...ابوكي مشى من ساعه هو اي كلام وخلاص

احلام قالت بضعف وهيه خلاص بتغيب عن الوعي..متكدبش عليا يا زين..انا..انا عرفت ان العربيه خبطتو وانو بينز،ف وديني ليه ..وانبي وانبي وديني ليه
نزل لمستواها بصدمه وسند دماغها على ايده وبقى ي خدودها بخفه وقال بتوتر ..احلام .احلام انتي بتقولي ايه...مالو ابوكي..ابوكي في داره فيه ايه...مين الي قلك الكلام ده