.اخدت مني الي انا رافضه ادهولك اخدتو غصب..وانت عارف ومتاكد اني مش هقدر اخد حقي..دلوقتي بقى جيه دوري هستمتع وانا شيفاك هتمـ,ـوت وتعيد الي عملتو ومش قادر
وقربت تاني وقالت بهمس..هشوفك على البحر ريقك ناشف هتمـ,ـوت وتشرب ومش قادر يا ابن القاضي
كانت بتبصلو وعنيها بتلمع من الغل وزين ابتسم ابتسامه جانبيه وقبل ما تبعد شدها عليه وقال...انا طول عمري بتاجيني الميه لعندي يا احلام..مش محتاج اروح البحر واذا روحت عمري ما ارجع عطشان
احلام كانت بتبصلو بغضب وقالت..مش هتطولني تاتي بعينك يا زين
زين وقال...بس انتي تحت يدي ..والي عملتو في الجبل اقدر اعملو تاني...بالعكس المره دي اسهل قوي ..وقرب منها اكتر بس تو بقبضة ايدها في جرحو بعد بسرعه والم وهيه جريت من على السرير
زين بقى يتألم وقال...اااه يا بت السا،،فل هوريكي يا احلام والله لاربيكي من جديد
احلام ضحكت وترمت على الكنبه وقالت...شوفتك رجعت عطشان يعني..ايه الموج كان عالي مش كده
زين كان بيتألم جدا وحاطط ايده على جرحو بس ابتسم وكان معجب بحركاتها الي متأكد انها هتخسرها كتير قال بابتسامه..عالي قوي...بس انا بردك مش ساهل ومغرقش واصل...وبكره اثبتلك
احلام ابتسمت بسخريه وقالت...بس ابقى خد بالك على جمبك التاني..مش كل مره تسلم الجره يا ابن القاضي
زين ضحك وفضل باصص عليها لحد ما نامت
واول ما راحت في النوم قام بتعب وقرب منها وقال..بس الوجع مش من السكين الوجع من عيونك الحلوين يا احلامي
واتنهد وراح نام على السرير بتعب
في صباح يوم جديد قامو على صوت ذغاريد وناس بتخبط على باب الاوضه
احلام صحيت بزهق وابتسمت بسخريه لما فهمت انهم اهلها وجايين للصباحيه وقامت لسه هتفتح زين قال بسرعه..استني..متفتحيش
احلام قالت باستغراب ..هتسيبهم على الباب ولا ايه
زين قال بضيق...لا دخليهم وخليهم يشوفو الهنا الي احنا فيه.. وبقى يشيل الغطا بتاعها من على الكنبه ونضف الكركبه ولبس جلابيه واسعه علشان ميبانش متصاب وقال...يلا روحي البسيلك حاجه لحسن يكون معاهم حد
احلام بصتلو بسخريه وقالت...لا راجل يلا.بصلها بدهشه وقال..يلا..ماشي..هوريكي الرجوله بعد ما يمشو
يلا بقى افتحي لجدتك
احلام راحت فتحت الباب وكانت جدتها ووالدة زين
احلام حضنت جدتها وكانت بتعيط وجدتها طبطبت عليها بابتسامه وقالت بس يا قلبي بس يا حبيبتي الف مبروك يا ضنايا
زين قال يا مرحب بالغاليين احباب الغاليين اتفضلي انا نازل واخد ابو احلام بعد ما سلم عيها ونزل مع زين و احلام قعدت مع جدتها في الاوضه
زين نزل تحت لسه هيروح عند ابوه في المندره وقفتو بنت جميله في ال 20 وقالت بضيق شديد صباحيه مباركه يا ولد عمي ان شاء الله تكون انبسطت مع عروستك
زين بصلها بخنقه وقال ..انبسطت قوي.. الله يباركلك يا نعمه وعقبالك قال كده ولسه هيمشي مسكت ايده وقالت عقبالنا يا زين عقبالنا انت عارف اني مريداش غيرك ومش هتجوز غيرك
بقلم...زهرة الربيع
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.