بقلم...زهرة الربيع
زين كان بيتكلم مع واحده من الخدم واول ما سمع صوتها طله جري على اوضتو ودخل بزعر ولقاها على الارض جري عليها وقال..فيه ايه يا احلام مالك

احلام بصتلو بدموع وقالت بتعب..تعبان ..تعبان قرصني يا زين
زين اتسعت عنيه بصدمه وقال..تعبان تعبان ايه
بس قطع كلامو لما لقا تعبان من النوع السام جدا جري عليه و بقوه على راسو مـ,ـوتو ورجع لاحلام وقال برعب..احلام ...حبيبتي قرصك فين

احلام كانت ماسكه رجلها وتعبانه جدا زين مسك رجلها برعب سديد وبقى يسحب السم ببقو بس كانت ابتدت تعرق وشفايفها ازرقت من السم

زين كان مش قادر يتحرك من الرعب عليها بس جري لبسها اول عبايه قابلتو وشالها وجري بيها وهو مش حاسس ولا سامع الي حواليه جري على العربيه وطلع بيها على المستشفى..وهو ضاممها بايد وبيسوق بايده التانيه وبيقول..متخافيش ياقلبي مش هيحصلك حاجه...

ونزلت دموعه وهو بيرتعش بخوف عليها وقال...مش هتروحي مني يا احلام..انا صدقت ما بقيتي ليا يا قلبي لا لا مش هيحصلك حاجه ربنا مش هيسيبني مش هيسيبني.. وبقت دموعه تنزل بغزاره وهو بيقرأ في ايات القرأن

احلام رفعت ايدها وحطتها على خده بتحاول تطمنه بس وقعت ايدها وغابت عن الوعي وهنا زين انهار وبقى يسوق اسرع وهو بيدعي وبيحاول يفوقها وبيقول..فتحي يا قلبي متغمضيش يا احلام...احلام علشاني وانبي..احلااام
بعد شويه وصل المستشفى وشالها ودخل بيها هو بيزعق وقلب الدنيا

الاطباء اخدوها على الطوارئ وابتدو يعملولها الازم وكان السم متمكمن منها لان التعبان سام جدا بس كمان زين لحقها في اقرب وقت

زين كان بينزف لانو نزل بيها السلم وهو شايلها وجرحو لسه ملمش قوي وكان ابتدى يدوخ لانو سحب لها السم بس رغم تعبو فضل رايح جاي حوالين الاوضه الي احلام فيها وكل الي في بالو انها تقوم

بعد شويه كان واقف عند الباب وبيبص عليها بدموع والدكتور عقملو جرحو وادالو حقنه للسم وكتن مش راضي يتحرك من عندها لحد ما الدكتور سمحلو يدخل يقعد جمبها يمكن يهدى
زين دخل ونام جمبها على السرير وقال...لو هتروحي خديني معامي يا احلام..متسبنيش احب على يدك ونزلت دموعه

بعد شويه احلام فتحت عنيها لقتو نايم جمبها وماسك فيها بقوه وبقت تفتكر كل الي حصل ولهفتو ودموعه ابتسمت وقالت ...وعسى ان تكرها شيئا وهو خير لكم ..وبصتلو ومسحت دمعه على خده
هنا زين حس وقال بلهفه..احلام..انتي كويسه..انادي للدكتوره و
بس قاطعتو وقالت بتعب...متقومش جمبي..عيزاك جمبي